Stærri

DSV hraðbrautin er hnattrænt flutninganet á lofti, landi og sjó og í senn hraðvirkt, sveigjanlegt og hagkvæmt. Með fulltingi DSV erum við í órofnu sambandi við 200 þjónustustöðvar í 34 löndum. Hver skrifstofa er mönnuð starfsfólki ráðnu af þjónustusvæðinu sem tryggir ómentanlega þekkingu á sérstöðum og viðskiptavenjum hvers staðar ásamt innsýn í löggjöf og kröfur um meðhöndlum á flóknustu vöruflokkum.

Sérþekking hverrar þjónustustöðvar kemur ekki í veg fyrir að starfsmenn þeirra allra tala sama tungumál sín á milli og vinna að sama markmiði: að koma vörunni með bestu mögulegum hætti í hendur viðtakanda, hversu viðkvæmur eða krefjandi sem flutningurinn er.

Þekking og reynsla starfsmanna Rhenus gerir okkur kleift að bjóða sveigjanlegri og hagkvæmari lausnir og standa vörð um það háa þjónustustig sem viðskiptavinir þekkja okkur fyrir.

Í traustu samstarfi við RAX getur ThorShip boðið upp á áreiðanlega þjónustu í flutningum innanlands hvort sem um er að ræða smáar eða stórar sendingar.

Öruggir flutningar ET ehf býr yfir áratuga reynslu og fullkomnum tækjaflota. Í flota ET eru yfir 40 dráttarbílar, þar á meðal aldrifsbílar. ET hefur yfir að ráða gámalyftum, flatvögnum og gámagrindum.

Í samstarfi við ET getur ThorShip boðið uppá áreiðanlega þjónustu í gámaflutningum innanlands.

Cargow er flutningafyrirtæki sem þjónustar alþjóðlegan áliðnað með flutningsbrú á milli Íslands, Noregs, Bretlands og meginlands Evrópu. Cargow leitast við að finna flutningslausnir sem skapa viðskiptavinum áþreifanlegan ávinning og leggur áherslu á að veita fyrsta flokks þjónustu sem byggist á áralangri reynslu af flutningum.

Cargow er hagkvæmur þjónustuaðili á sviði flutninga sem stenst væntingar kröfuharðra viðskiptavina með gæði aðleiðarljósi. Þá leggur fyrirtækið áherslu á þróun á hönnun og eiginleikum skipa til þess að auka skilvirkni og lágmarka umhverfisleg áhrif við flutninga.
Nánari upplýsingar má nálgast á heimasíðu Cargow.

Bluebird Nordic rekur samtals sjö fraktflugvélar, þrjár B737- 400SF og fjórar B737-300SF, sem þjónusta hraðsendingar og fraktflutningafyrirtæki með áætlanaflugi jafnt sem leiguflugi.

Fyrirtækið er vel búið til þess að sinna verkefnum á Norðurlöndum, í Evrópu, Mið-Austurlöndum, Kanada og Grænlandi. Starfsfólk Bluebird Nordic kappkostar við að veita snarpa og fagmannlega þjónustu allan sólarhringinn.

Icelandair Cargo rekur öflugt flutninganet með hraðasta flutningsmátann til að flytja vörur á markaði heims.

Þegar ferskleikinn skiptir höfuðmáli er helsta fyrirstaðan ekki fjarlægðin, heldur tíminn sem líður. Staðsetning Íslands sem miðpunktur í Norður Atlantshafi, gjöful fiskimið, áratuga reynsla og öflugt leiðarkerfi Icelandair Cargo eru grunnurinn að einstöku samkeppnisforskoti.

Cargo Express var stofnað árið 2008 og sér um að þjónusta flugfélög varðandi flugfrakt í gegnum Ísland. Markmið Cargo Express er að veita bestu mögulegu þjónustu fyrir fyrirtæki til að tengjast umheiminum hratt og örugglega.

Hafnarfjarðarhöfn hefur frá upphafi byggðar Íslands verið talin ein besta höfn landsins frá náttúrunnar hendi og er ein helsta þjónustuhöfn landsins. Höfnin er sérhæfð í allri þjónustu við skip af öllum stærðum.  Skip ThorShip njóta þjónustu Hafnarfjarðarhafnar.

ThorShip starfar í samstarfi við embætti Tollstjóra sem tollmiðlari og er því heimilt að koma fram gagnvart tollyfirvöldum fyrir hönd inn- og útflytjenda og hafa með höndum þjónustu í tengslum við tollafgreiðslu vöru.